SAT, IB və DİM balı ilə Türkiyəyə qəbul: hansı nəticə kifayətdir?

Türkiyəyə qəbul üçün yalnız YÖS yolu yoxdur. Bir çox universitet beynəlxalq imtahanları və hətta Azərbaycanın qəbul imtahanının (DİM) balını da qəbul edir.

Hansı nəticələr qəbul olunur?

Nümunə kimi Sabancı Universitetinin xarici tələbələr üçün minimum tələbləri:

İmtahan	Minimum
SAT	1600-dən 1100
ACT	36-dan 25
IB diplomu	45-dən 30
A-Level	ən azı 2 fəndən C
TR-YÖS	500-dən 350
Azərbaycan qəbul imtahanı (DİM)	700-dən 490

Hər universitetin öz həddi var: güclü universitetlər daha yüksək bal istəyir, çoxu isə imtahan nəticəsi olmadan da attestatla qəbul edir.

Nəticə nə vaxt lazımdır?

• Attestatla qəbul edən özəl universitetlərdə imtahan məcburi deyil, amma yaxşı nəticə əlavə təqaüd qazandıra bilər.
• Tibb, stomatologiya, hüquq kimi rəqabətli ixtisaslarda nəticə tez-tez tələb olunur.
• Dövlət universitetləri adətən YÖS və ya SAT istəyir.

SAT haqqında qısa

• SAT nəticəsi adətən 2 il keçərlidir.
• Bəzi universitetlər "superscore" (müxtəlif imtahanlardan ən yaxşı hissələr) qəbul etmir — tək imtahanın nəticəsinə baxır.
• SAT Bakıda da verilə bilər; tarixləri rəsmi College Board saytından yoxla.

DİM balı ilə nə etməli?

Əgər Azərbaycanda qəbul imtahanı vermisənsə, nəticə vərəqəni saxla: bəzi Türkiyə universitetləri onu birbaşa qəbul meyarı kimi istifadə edir. Müraciətə nəticə vərəqəsini və tərcüməsini əlavə et.

Hansı universitetin hansı balı istədiyini dəqiqləşdirmək üçün proqramlara bax və ya məsləhətçimizə yaz. YÖS haqqında: TR-YÖS 2027 bələdçisi.

Mənbə: Sabancı Universiteti — xarici tələbələr üçün qəbul olunan imtahanlar siyahısı. Tələblər hər il yenilənir.

2 dəq oxuma